ASÍ EVOLUCIONOU "A EIROA"

Era o número 0 da Eiroa, publicado en novembro do 89. O nome nin sequera estaba feito con letras de imprenta e a edición fíxose mediante multicopista (o n° 4 da Eiroa sería o primeiro en facerse en                                  imprenta).Como podedes supoñer o  traballo era pesado e longo, pero as                                  gañas desta  primeira xente que se puxo mans á obra co n° 0 da Eiroa fixo                                  posible o inicio  desta publicación. A colaboración do Colexio Público de                                  Louro tamén foi imprescindible para a posta en marcha da revista.

Bastaron tres meses para que en febreiro do 90 saise un novo número da Eiroa, e con el o nome adquire outro formato, esta vez en letras de imprenta. Este formato será o máis                                duradeiro ó longo de 8 Eiroas, nin sequera o cambio da multicopista á                                imprenta poderá darlle nova forma.

En febreiro do 93, aparece o número 9 da Eiroa, e na súa parte superior, como en tódalas anteriores, o nome da revista; esta vez con un novo tipo de letras, cecais máis próximas ó "carácter cultural"  da revista.

     ASÍ EVOLUCIONOU O "SIMBOLO" DA S.C.M. LOURO

Cultura, Unión e Progreso, son as tres palabras que aparecen encabezando o primeiro logotipo da S.C.M.Louro e que aparecería no número 0. Un libro co nome de Louro e cun debuxo de Monte Louro aparece como centro deste símbolo. Nun mesmo debuxo aparece todo o que representa a Eiroa para o noso povo .

No número 9 da Eiroa (febreiro 93) aparace por primeira vez este logo da S.C.M.Louro. O único que se pode ver é Monte Louro e debaixo del o nome do povo. Non hai nin lemas, nin frases nin ningún tipo de palabra encabezando o logo. Debaixo do debuxo aparece escrito a man: -Asociación cultural-. Este debuxo manteríase 2 números.

En marzo do 94 (n°11 da Eiroa), aparece un novo símbolo para a S.C.M.Louro. Moito máis moderno e adornado con un debuxo que se corresponde máis coa imaxe do povo: Monte Louro cunhas gaivotas sobrevoandoo. As únicas palabras que aparecen  son as da Asociación.

Nos dous últimos números: o doce e o trece, todo segue case igual. Tan só cambia un pouco o formato das letras e as gaivotas saén do círculo para voiar máis amplamente sobre Monte Louro.

             Índice Eiroa