LOURO, PASO A PASO
O Neixón
(A EIROA 6- Setembro do 91)

 

Neixón.jpg (14678 bytes)Atópanse estes illotes nas coordenadas: 4,93 lonxitude oeste e 47,31, latitude norte, é dicir, sen complicarnos, enfronte do Faro de Louro.

Son unhas rochas a uns 400 metros da costa e sen ningún tipo de construcción artificial. Carece de vida terrestre, pois o hábitat é apropiado para especies que exclusivamente están relacionadas co medio acuático.

Un ser polémico que habita este ecosistema é a mexilla, cría do mexillón (Mytilus edulis), que  Pedras do Neixón (ó fondo) vistas dende a costa                         pola súa abundancia os donos de bateas, contratan persoal para "apañar' este molusco, que logo crecerá nos 'mexilloeiros'.
Outras especies de pouco interese comercial, aínda que de grande valorecolóxico, son as lapas ou llapras, caramuxas, peludos ou ourizos, caranguexos, queimacasas e pateiros.
Nas fendas atopámo-los bois, estrelas de mar e tamén algún percebe, que de ano en ano escasea máis.

Diferentes clases de peixes, coma os pintos, sargos, maragotas, robalos, etc., viven nos arredores destes cons. Con eles algunhas especies de algas atopan aquí o seu sustento, entre elas, as cintas, a leituga de mar, golfos, fucus e carrouchas de mar.

De vez en cando vese a algúns arroases face-las súas pericias, saltando fóra da auga nos arredores desta pedras.

Quedan soamente por menciona ás aves acuáticas que acuden a estas pedras a descansar. Por exemplo: a gaivotas arxenteas (Larus argentatus), choronas (L. ridibundus), ostreiros ou gavitas (Haematopus ostralegus), arao dos cons (Uria aalge), charrán (Sterna hirundo), as píllaras (Charadrius dubius) e os corvos marinos (Phalacrocorax Carbo).

David Candamo.

Volver ó Índice de Louro Paso a Paso