A Lagoa de Louro (PREME AQUÍ)
está situada ó noroeste da parroquia co mesmo nome. Esta zona de gran fermosura
está separada do mar por unha zona dunar e recibe auga dos regatos de Longarela (PREME AQUÍ) e Cuchariños. A
importancia da Lagoa vén dada pola súa utilización como zona de descanso de numerosas
aves que migran ou empregan esta zona de invernada. A caza nesta zona está completamente
prohibida e é é importante non facer ruido para non molesta-las
aves que alí están.Mirade o punto A LAGOA E MONTE LOURO (no índice xeral) para ter moita máis información e datos sobre esta zona. ¡Seguro que vos vai gustar.
No apartado "A Lagoa e Monte Louro" tendes extensa información sobre as aves que alí están e sobre a vexetación da zona, ademais de fermosas fotos da mesma. Pero decímosvos unha cousa ¡Non hai nada máis fermoso que vela de verdade, estar diante dela e observa-los seus sons e a brisa do aire que por alí sopla.
Sairemos
do Colexio de Louro e collemos para a fonte de Cuchariños. Seguimos ata chegar ó cruce
coa estrada que vai para Muros (cara á esquerda) e Carnota (cara á dereita). Antes de
chegar a este cruce pasaremos por unha zona chamada "As cabaceiras", polo gran
número de construccions deste tipo que alí se atopan. O lugar é inconfundible.
Cando cheguemos ó cruce coa C-550, se nos poñemos xunto ó cruceiro que
alí hai, teremos que coller o camiño que hai case enfronte. Por el chegaremos á lagoa,
deixando Monte Louro á nosa esquerda.
