Sobre a historia de Monte Louro hai que dicir que ó longo do tempo foron mesturándose ó redor deste monte historia e lenda, de tal xeito que resulta moi difícil dilucidar que feitos poden considerarse históricos e cales obedecen á imaxinación popular. Tal é o caso dos famosos "Profundos", covas que ó parecer existen no monte dunha grande profundidade, pero ninguén sabe na actualidade localizalas. Outra lenda que ten relación con Monte Louro fala de que no cume de menor altitude apareceuse María Magdalena. Os antepasados construiron unha pequena capela alí. Despois construíron outra na aldea, a actual capela da Magdalena de Louro, a súa patrona. Pero aínda se conta que no alto do monte permañecen os restos da vella capela. Cerca desta ermida existían, hai xa moitos anos, unhas hortas chamadas "hortas da Magdalena", nas que veciños, previamente ofrecidos, cultivaban patacas que entregaban logo á igrexa.

Hai unha referida á lagoa. Di que hai moitos anos no lugar existía unha vila e por algunha razón chegou a fundirse; os seus restos, segundo esta lenda, quedaron na profundidade da lagoa.

Se sabes algunha lenda e a queres publicar: muinho@louro.org